Аланийы дыккаг базынд Европæйæ

Aлaнийы дыккaг бaзынд Eврoпæйæ Тæргæйтты мæйы (мaртъийы), 3-æм бoны, Испaйнaг сæйрaг сaxaр Мaдриды ирoн диaспoрæйы хъæппæрисæй арæзт æрцыд РЦИ-Аланийы презентаци Паддзахад Испаны. Уыцы хъуыддаджы ирæтты фарсмæ слæууыдысты Испайнаг культурæйы ресурсты центр – BS GRECYT æмæ Мадриды хицауад..

Презентацийы æвдыст æрцыдысты: националон литературæйы чингуытæ, ирон адæмы дарæс – сылгоймаджы æмæ нæлгоймаджы дзаумæттæ, «Алайнаг адæмы нæртон эпосы нывтæ», кæцытæ равдыстмæ радтой Тугъанты Махарбеджы номыл аивадон музей æмæ Джанайты Азанбеджы номыл Хорзгæнæг культурон фонд.

Европæйæгтæ дис кодтой алайнаг материалон культурæйы стендты цур, уым ма фенæн уыди æгас Цæгат Кавказы дзаумæттæ дæр. Фæлæ тæккæ фылдæр равдысты уазджыты зæрдæмæ фæцыди ирон харинæгтæ фæлварын – дегустациигæнæны фадат уыд æнæхъæн изæры дæргъы.

Мадриды ирон диаспорæйы сæрдар Хъайттаты Ацæмæзы къухæй Мадриды хицауады, культурон центры, Испайнаг культурæйы ресурсты центры кусджытæ райстой хæрзиуджытæ – уый тыххæй æмæ æцæг æххус кодтой, цæмæй испайнæгтæ хуыздæр бамбарой нæ культурæ æмæ сæ зæрдыл бадароæ нæ иумæййаг истори, кæцы уыд нæ раг фыдæлтæн æмæ нырыккон рæстæджы дæр ын ис сом бон.

Равдысты, æндæр цауты архайдтой бирæ уазджытæ – Уæрæсейы регионты æмæ Испаны аивады æмæ культурæйы зындгонд архайджытæ, дипломатон кусджытæ, Европæйы æмæ Уæрæсейы æхсæнадон архайджытæ, газетты, информацион агентадты æмæ телеуынадты минæвæрттæ. Равдысты цаутæ бирæты зардæмæ фæцыдысты – æргомдзинадæй, хорз цæттæгондæй æмæ ногдзинадæй. Равдыст цыди дыууæ къуырийы суанг 15-æм мартъимæ. Европæйы цæрджытæ бирæ цыдæртæ базыдтой, куыд æмæ цæмæй цæрынц абоны бон Цæгат Ирыстоны кæддæр алантæй кæй зыдтой, уыцы адæм, цавæр культурæ сын и æмæ куыд хъахъхъæнынц сæ сыгъзæрин истори.

Викторийæ Нитипина, Мадриды ирон диаспорæйы пресс-секретарь.  

Комментирование и размещение ссылок запрещено.

Комментарии закрыты.